'Sexualitatea eta zoru pelbikoa' lantzeko ikastaroak, Donibanen
Pasaiako Emakumeentzako Jabetze Eskolako ikastaroen aterkipean lau saio eskainiko dituzte Juanba Berasategin. Zabalik da izena emateko epea.
Pasaiako Emakumeentzako Jabetze Eskolako ikastaroen magalpean, Sexualitatea eta zoru pelbikoa izeneko ikastaroa eskainiko dute Donibaneko Juanba Berasategi kulturgunean hiru asteartez eta asteazken bateez. Ordua beti bera izango da: 17:30etik 19:30era.
Azaroan zehar Antxon eskaini da ikastaroa, eta izan duen arrakasta ikusita, orain Donibanen egongo da parte hartzeko aukera. Honakoak dira datak: hilaren 29a, abenduaren 13a eta 20a, eta urtarrilaren 11.
Saioen bidez, zoru pelbikoa zer den eta nola zaindu daitekeen ikasiko dute bertaratzen direnek. Ez hori bakarrik: “Gorputza bere osotasunean ulertzen eta gorputzari entzuten ikasiko dugu. Gertatzen zaizkigun gauza guztiak ez dira gertaera isolatuak eta hala ulertu behar ditugu”.
Izena emateko epea hilaren 23ra arte egongo da zabalik, eta honako bideen bitartez egin daiteke:
- Izen-emate fitxa bete eta HAZeko bulegoetan entregatu.
- Pasaiako udalaren online izapideen atarian (identifikazio digitala behar da).
