Trans legea izango dute hizpide etzi Merkatuzarren
Mar Cambrolle Trans Plataformako bozeramailea, Monika Plazaola Alternatibako kidea, Iñaki Queralt zinegotzia eta Loratuz Lotu Trans elkarteko Brayan Altimasberesek solasaldia eskainiko dute.
Alternatibaren egitasmoz, trans pertsonen eskubideen aitortzarekin lotutako bi egitasmo izango dituzte hizpide ostegunean Merkatuzarren egingo duten solasaldian. Batetik, Eusko Legebiltzarraren Trans Legearen aldaketaz ariko dira, eta bestetik, Nafarroan dagoen legediaz luze ariko dira Mar Cambrolle Trans Plataformako bozeramailearekin, Monika Plazaola Alternatibako kidearekin, Iñaki Queralt zinegotziarekin eta Loratuz Lotu Trans elkarteko Brayan Altimasberesekin.
PSOE eta Podemos alderdien artean adostutako Trans Legearen harira egitasmoaren aurkako ahots eta fake albiste ugari sortu direla diote Alternatibakoek, amorruz. “Lege horri eraso egin nahi diote, diskurtso maltzur eta trans baztertzaileei leku eginez. Gorroto diskurtsoak hedabide erreakzionarioenak eta sare sozialak bete ditu, alarma eta desinformazioa sortuz”, erantsi dute.
Horregatik, Alternatibak “desinformazio kanpaina horri aurre egiteko eta legedi horien errealitateaz kontzientziatzeko asmoz” antolatu dute etzikoa.
18:30ean hasiko dute saioa.
