[Bideoa] 'Mare, ilargiari poemak', 1545 argitaletxearen azkena
Gazteengan poesia idazteko gogoa piztu nahi dute liburu honekin, eta horretarako, ilargiari begira jarriko dituzte, "baita ilargiaren alde ezkutuari ere, Lurretik ikusten ez den hori". Proiektua biribiltzeko, Idoia eta Bea musikariek abesti bat sortu dute.
1545 argitaletxe oiartzuarrak beste proiektu bat du esku artean. Oraingo honetan gazteei zuzendutako poema liburu bat argitaratu dute, “liburu bat baino gehiago ere izan nahi duena”. Mare, ilargiari poemak izena jarri diote egitasmoari.
Lan honek gazteengan poesia idazteko gogoa piztea du helburu, eta horretarako ilargiari begira jarriko dituzte, “baita ilargiaren alde ezkutuari ere, Lurretik ikusten ez den hori”. Euskal Herri osoko 29 poetek (behean ikus daiteke zerrenda) euren hondar aletxoa jarri dute lanerako. Poemen aurretik irakurleek hiru hitzaurre topatuko dituzte: ilargiari begiratzeko hiru ikuspuntu, hain zuzen: zientifikoa, filosofikoa eta literarioa. Eta poemen ondoren, euskal poesiaren ibilbide bat egiten duen artikuluarekin egingo dute topo. Lana biribiltzeko, kantu bat ere sortu dute Idoia eta Bea musikariek, azken egunotan sare sozialetan arrakasta izaten ari dena. Hemen entzun eta ikus daiteke.
Argitaletxeak aurreratu du Durangoko azokan jarriko dutela salgai liburua, eta igande honetan (hilak 11) egingo dute aurkezpena, 16:00etan, azokako Saguganbaran.
- Ana Galarraga Aiestaran
- Iñigo Martinez Peña
- Joseba Sarrionandia Uribelarrea
POEMAK
- Aintzane Galardi Portu
- Amaia Lasa Alegria
- Asier Serrano Lasa
- Beatriz Chivite Ezkieta
- Castillo Suarez Garcia
- Edu Zelaieta Anta
- Elena Olave Duñabeitia
- Eric Dicharry
- Garazi Ugalde Pikabea
- Gotzon Barandiaran Arteaga
- Harkaitz Cano Jauregi
- Hedoi Etxarte Moreno
- Itxaro Borda I
- tziar Ugarte Irizar
- Jean-Louis Davant
- Jon Gerediaga Goitia
- Jose Anjel Irigarai Imaz
- Jose Luis Otamendi Etxabe
- Karlos Linazasoro Izagirre
- Kirmen Uribe Urbieta
- Leire Bilbao Barruetabeña
- Leire Vargas Nieto
- Luigi Anselmi
- Luis Garde Iriarte
- Maialen Berasategi Catalan
- Mari Luz Esteban Galarza
- Miren Agur Meabe Plaza
- Rikardo Arregi Diaz de Heredia
- Tere Irastorza Garmendia
EPILOGOA
- Iratxe Retolaza Gutierrez
ILUSTRAZIOAK
- Udane Ansa Iragorri
