Euskal pirata eta kortsarioak ardatz dituen karta jokoa aurkeztuko dute
Trikuharri Kultur Elkartearen ekimenez, 'Itsaslapurrak' sortu dute. Dani Fanok egin ditu karten ilustrazioak, eta Tasiok pin-en diseinua.
Trikuharri Kultur Elkarteak Itsaslapurrak karta-jokoa sortu du, eguberritan pentsatuz. Haur eta gazteei zuzendutako bilduma da, baina hain gazte ez direnentzako ere badela adierazi du Trikuharrik.
Elkartearen helburua Euskal Herriko Historia “modu ezberdinean” zabaltzea da. Horretarako sortu dute euskal pirata eta kortsarioak ardatz dituen monografikoa sortu dute.
Dani Fanok 40 marrazkirekin ilustratutako kartez gain —musean aritzekoak dira—, koloreztatzeko koaderno bat eta pin bilduma bat sartu dute sorta horretan. Pinak Javier Etaio Tasio-k sortu ditu.
Aurkezpena hilaren 19an izango da, datorren astelehenean. Arizmendi-Enean izango da aurkezpena da, 19:00etan hasita. Dani Fano izango da bertan, eta berak emango ditu ilustrazioei buruzko azalpenak. Ez da itsaslapurrei buruz egin duen lehenengo lana, aurretik Kortsarioen ostatua komiki liburua egina baitu.
