[Galeria] Orain bai, hasi dira Lezoko Eguberriak
Atzo egin zuten San Tomas jaia, eguraldi eta giro onarekin. Ostiraletik zabalik da, Kultura Aretoan, Disko eta Liburu Azoka.
Asteburu honen aurretik izan dira ekitaldiak, baina pasa berri diren ostiral, larunbat eta igandekoekin esan daiteke ofizialki hasi direla Lezoko Eguberriak. Izan ere, ostiraletik zabalik da Kultura Aretoko Euskal Liburu eta Disko Azoka; larunbatean, Lezokoak elkartearen bigarren eskuko gaien azoka egin zuten (besteak beste), eta atzo, igandearekin, San Tomas Jaiaren agertoki izan zen Karlos Saldise plaza. Hemendik aurrerako asko daude herrian. Sartu hemen horien kontsula egitera.
Behealdean dauden argazkiak Ager Arrietak egin, eta HITZAra bidalitakoak dira. Bertan ikus daiteke, eguraldi egokia lagun, Lezoko San Tomas jaia apartekoa izan zela. Herritarrek eta baserritarrek postuak jarri zituzten eurenak zirenak salgai jartzeko, eta noski, jatekorik eta edatekorik ez zen falta izan. Lezoko Dantzazaleek astindu zituzten gerriak, dantza arinean. Giro jatorra, beste behin.
