Jarrera zoragarriak puntu bat eman dio nesken taldeari
Bigarren postuaren borrokarako partida jokatu dute Añorgaren etxean. Mutilek Beti Gazteren kontra galdu dute, Karla Lekuonan.
Oiartzuarrek puntu bat ekarri zuten, atzo, Añorgatik. Emakumeen talde nagusiak puntu polita lortu zuen atzo arratsaldean, Añorgan. Egia da bigarren postuaren bila atera zirela zelaira, baina aurrean zegoen taldea dela postu horri eusten diona.
Premisa horretatik abiatuta, jarrera zoragarria izan zuen Iker Marketek zuzentzen zuen taldeak. Ez zen aukera askorik egon, partida borrokatua izan zelako. Urteko azkeneko partida da, eta hasiera ikusgarri bati ginga jarri diote horrela. Ea urtea berdin hasten duten.
Gizonen talde nagusiak, berriz, bigarren partida jarraian galdu zuen. Etxean, gainera, Beti Gazteren kontra. Oiartzuarrak baloiaren jabe izan ziren, baina ez zuten aukera handiegirik sortu. Lesakarrek bere aukera probestu zuten, eta horrela eraman zituzten hiru puntuak.
Duela bi aste lidergoa partekatu arren, Hernani ihes egiten ari zaio Oiartzuni, sei puntuko aldea aterata.
Emakumeen Lehen Nazional Maila
- Añorga — Oiartzun: 0-0.
Gizonezkoen Ohorezko Erregional Maila
- Oiartzun — Beti Gazte: 0-1.
Emakumeen Euskal Liga
- Bizkerre B — Oiartzun B: 4-1.
Gizonen Gorengo Maila
- Oiartzun B — Hernani: 1-1.
Emakumeen Gorengo Maila
- Martutene — Oiartzun B: 0-2.
Mutilen Gazte Mailako Nazional Maila
- Arrupe Chaminade — Oiartzun: 2-0.
Mutilen Gazte Mailako Gorengo Maila
- Mariño — Oiartzun B: 3-1.
Mutilen Gazte Mailako Lehen Maila
- Dunboa Eguzki — Oiartzun C: 3-2.
ARETO FUTBOLA
Gizonen Gipuzkoako Lehen Maila
- Oiartzun KE — Idiazabal Bai Reformas: atzeratuta.
Gizonen Gipuzkoako Bigarren Maila
- Madamar Zarautz — Miren Taberna OKE : 7-8.
Oiartzun Kirol Elkartearen egunerokoa jarraitzeko, jarraitu beraien Facebook, Twitter edota Instagram kontuak.
