Urtarrilaren 14ko Ipar Martxarako deia egin du Urdaburuk
Hernaniko ibilbide urdina egingo dute datorren asteko larunbatean, 9, 6 kilometroko ibilbidea izango da.
Hernaniko ferratokia. Urdaburu Mendizale Elkarteak Ipar Martxako irteera bat antolatu du, hain zuzen, Hernaniko ibilbide urdina egitea dute asmo.
Urtarrilaren 14ean izango da txangoa, eta Lezo-Errenteriako tren geltokian geratu dira 09:00etan; Hernani erdiguneko tren geltokian ere elkartzeko aukera dago, 09:30ean.
Bidearen gehiengoa asfaltotik izango dela abisatu dute, eta morfologia ez dela erabat laua. Horregatik, kirol zapatilak eramatearekin nahikoa izango dela adierazi dute. Santa Barbara gotorlekutik eta bertako ermitatxotik pasako dira, eta ferratoki eta karobi bat ikusiko dituzte ere.
Izena emateko aukera zabalik dago jada, urtarrilaren 13 arte. Horretarako, Urdaburuko egoitzara gerturatu behar da, asteartetik ostegunera 19:00etatik 21:00etara. Beste aukeretako bat formulario hau betetzea da.
