Hondakinen eta uraren tasetan hobariak eta salbuespenak eska daitezke
Otsailaren 28ra arte eska daitezke hobariak. Udaletxean bertan edo online eska daiteke, eta baldintzak udalaren webgunean daude.
Oiartzungo Udalak jakinarazi duenez, bere zergetan eta tasetan hobariak eskatzeko epea zabalik dago. Zehazki, ura eta estolderiaren tasan eta hondakinetan eska daitezke, otsailaren 28ra arte.
Udaletxean bertan edo udalaren webgunean eska daiteke, online.
Zehaztu dutenez, Oiartzunen erroldatuta dauden eta zehaztutako diru-sarrera eta ondare maila gainditzen ez duten bizikidetza unitateek eska dezakete hobariak aplikatzea.
Gainera, eskaera onartzeko beharrezkoa da udalarekin zorrik ez izatea edo ordainketa plana onartua eta egunean edukitzea. Bete beharreko baldintza guztiak udalaren iragarki taulan kontsulta daitezke.
Udalak gaineratu duenez, aurreko urteetan laguntza hauen onuradunak izan direnek, baldintzak betetzen badituzte, berriz ere egin beharko dute eskaera urte fiskal honetarako.
