Pirritx, Porrotx eta Marimototsentzako sarrerak, bihar salgai
Hilaren 29an 'Urteak bete, abenturak bizi!’ ikuskizuna eskainiko dute Elorsoro kiroldegian. Bertako leihatilan salduko dituzte sarrerak.
![urteak bete abenturak bizi](https://oarsoaldea.hitza.eus/site/files/2023/01/fgvjvo3wiaextlj.jpg)
Pirritx, Porrotx eta Marimotots pailazoek urtero, urtarrila bukaeran, eskaintzen dute ikuskizuna Oiartzunen. Aurtengo zita hilaren 29an izango da, Elorsoro kiroldegian (17:00etan hasiko da). Urteak bete, abenturak bizi! izenburua du aurtengo ikuskizunak.
Sarrerak bihar —hilak 21— jarriko dituzte salgai, kiroldegiko leihatilan. 17:00etatik 19:00etara bitartean eskuratu ahal izango dira, 8 euroan.
Antolatzaileek jakinarazi dutenez, pertsona bakoitzak gehienez 8 sarrera eskuratzeko aukera izango du.
Honakoa da ikuskizunaren sinopsia:
Ospakizun urtea dugu sudurgorriok eta lagunekin partekatu nahi dugu.
Euskal Herriko haur, gazte eta familia guztiekin gozatuz,
herriz herri abiatu gara Panpoxa furgonetan irriz, kantuz eta dantzaz.