Xenpelar Tailerren bigarren lauhilekoan izena eman daiteke
Otsailaren 10era arte eman daiteke izena bigarren lauhilekoan. Sei izango dira ikastaroak. Online edo Lekuonan eman daiteke izena.
Gaur hasita, eta otsailaren 10a arte, Xenpelar Tailerretako bigarren lauhileko ikastaroen matrikulazio epea irekita egongo dela jakinarazi du Errenteriako Udalak.
Epe honetan ez da ikastaro guztien matrikulatzeko aukerarik zabalduko.
Honakoak dira izen-ematea egin daitekeen ikastaroak:
- Collage (P-307). Asteazkena, 15:00-18:00.
-
Sortu zure kamiseta. (P-308) Asteazkena, 18:00-21:00.
Argazkigintza
-
Ikastaro aurreratua (Ar-506). Astelehena eta asteazkena, 15:30-17:30.
-
Ikastaro aurreratua (Ar-507). Asteartea eta osteguna, 18:00-21:00.
-
Estudioko argazkigintza (Ar-508). Astelehena, 17:30-19:30.
-
Nola egin argazki albumak (Ar-509). Asteazkena, 17:30-19:30.
Matrikula online egin daitekeela adierazi dute, baita Lekuonako harreran eskuorri hau beteta. Izena ematen duten guztiek tokia lortzeko aukera berbera izan dezaten, plaza kopurua gainditzen denean, zozketa egingo dela jakinarazi dute.
“Izen-emateak, beraz, ez du plaza bermatuko eta ordenak ez du lehentasunean eraginik izango”, nabarmendu du udalak.
Onartutakoen zerrendak otsailaren 15ean publikatuko dituztela jakinarazi dute, tailerren webgunean zein Lekuona Fabrikan jarriko dituzten euskarrietan.
Ikastaroen ordu kopuruen arabera ordaindu beharreko tasa maximoak zehaztu dituzte. Egoera ekonomikoaren araberako tasa aplikatzeko, eskaera online egin daiteke esteka honen bitartez. Modu presentzialean egiteko, eredu hau aurkeztu beharko da, beteta. Ondoren, ebatzi egingo dutela ziurtatu du udalak.
Informazio guztia Xenpelar Tailerren webgunean edo 943 449635 telefono zenbakira deituta eskura daiteke.
