Antxoko Kantujirak Kaldereroen desfilea antolatu du larunbaterako
Desfilea prestatzeko entsegua antolatu dute datorren ostegunerako. Kexaldin izango da, eta nork bere zartagin eta mailua eraman beharko ditu.
Pasai Antxoko Kantujira taldea Kaldereroen desfilea antolatzen ari da datorren larunbaterako (19:00etan aterako dira). Asmoa da hilaren 11n irtetea konpartsa barrutia alaituz, baina horretarako entsegua egin beharko dute aurretik musikariek.
Prestakuntza saioa datorren ostegunerako deitu dute —hilak 9—. Kexaldi elkartean izango da, 20:00etan, eta bertaratzen den bakoitzak etxetik eraman beharko du bere zartagin eta mailua. Harremanetarako posta elektronikoa du Kantujirak.
