Oarsoaldean muntaketa mekanikoaren inguruko ikastaro berria
Industria ekipoen mantentze eta muntaketa mekanikoaren inguruan arituko dira datorren astean hasiko den ikastaro berrian.
Industria ekipoen mantentze eta muntaketa mekanikoaren inguruko ikastaro berria jarri nahi du martxan Oarsoaldea eskualdeko Garapen Agentziak. Industria ekipoen mantentze eta muntaketa mekanikoan langabetuen prestakuntza profesionala hobetzeko eta enplegua sustatzeko asmotan antolatu nahi dute.
Ikastaro honen bidez, parte-hartzaileek makineria industriala instalatzen, konpontzen, doitzen eta mantentzen irakatsiko zaie. Hauek izango dira landuko dituzten gaiak: mekanikaren oinarrizko printzipioak, ekipoak muntatu eta instalatzea, prebentziozko mantentze-lanak, segurtasun-prozedurak, segurtasun-tresna, -ekipo eta -gailuen erabilera egokia, eta arazo mekanikoak konpontzea.
Ekintzak amaitzean, parte-hartzaileek profesionaltasun-ziurtagiri bat lortuko dute, lanpostu horretan gaitasun profesionala dutela egiaztatuz.
Ikastaroak 510 orduko iraupena du, ikasketa teorikoa eta 80 orduko enpresetan praktikaldiak osatuta. Pasaian izango da formakuntza, hilaren 15etik uztailaren 21era eta arratsaldeko 15:00etatik 20:00etara. Informazio gehiago oarsoaldearen webgunean dago, eta izen ematea Lanbiden egin behar da.
