Mendiburu alkategai izatea aho batez onartu dute
EH Bilduren militantziak berretsi du bere hautagaitza. Eskerrak emateko mezua banatu du, eta jasotako babesak "indarrak" eman dizkiola adierazi.
Joana Mendiburu Garaiar izango da EH Bilduren alkategaia. Pasa den astean koalizioaren herriko Mahai Politikoak proposatu zuen bere hautagaitza, eta bilkideek berretsi dute asteburuan izandako bozketan.
Mendiburuk eskertze bideo bat egin du, babes hori eskertuz, baita kalean jaso dituen “besarkada, zorion mezu eta begirada konplizeak” eskertzeko. Horrek guztiak “indarra” emango diola gaineratu du, eta agintaldirako “patrikan gordeko” duela
Adierazi du “poz kolektiboa” sentitu duela, eta horren oinarrian egungo udala egiten ari den lana dagoela, hainbat lan ildotan: kultura, ongizatea, energia, elikaduran…
Iragarri duenez, bide horiek jarraituko ditu, baina “berrikuntzak” ere izango direla hitz eman du, “anbizioarekin”.
“Hemendik aurrera ikusiko nauzue burua ametsetan, baina oinak lurrean, lanerako prest”.
