Oarsoirriakek, inauterietarako kalejira eta koreografia prest ditu
Hilaren 12an eta 18an egingo dituzte koreografia kolektiboaren entseguak. Gainera, horietara joan ezin duenarentzat bideo bat prestatu dute.
2019ko inauterietan, Errenteria Oreretan, zirkoz mozorrotutako Oarsoirriak-eko kuadrilla bat. Oarsoirri elkarteak familien eta kuadillen kalejira antolatu du otsailaren 18an, larunbatean, Errenteria-Oreretan inauteriak haurrekin ere ospatzeko asmotan. Merkatu zarren emango diote hasiera, 12:00etan, eta herriko kaleetan ibiliko dira.
Gainera, urtero bezala, koreografia kolektibo bat prestatu dute haur eta helduek dantzatzeko, eta eguna iritsi baino lehen bi entsegu gehiago egingo dituzte. Lehena, hilaren 12an, igandean izango da, 17:00etan eta bigarrena, hilaren 18an, egunean bertan, 11:30etan. Biak Merkatuzarren egingo dituzte, baina azaldu dute, edonork parte hartu nahiko balu eta ezingo badu entseguetara joan, koreografia ikasteko bideoa egin dutela eta hemen ikusteko aukera dagoela: https://vimeo.com/794147494.
