139 auto Don Boscotik Hondarribiara
Pasa den larunbatean, Don Boscoren XIII. Ibilgailu Klasikoen Ibilaldia ospatu zuten eta antolatzaileak pozik daude izandako harreragatik.
Pasa den larunbatean ospatu zen Don Boscoren XIII. Ibilgailu Klasikoen Ibilaldia eta Chisco Benavente eta Joserra Granado izan ziren irabazleak. Aurtengoa izan da orain arte parte hartzaile gehien bildu dituen edizioa, 139 ibilgailu.
Edizio honetan, bi modalitateetako parte-hartzaileek, rallykoek eta paseokoek, 95,91 kilo metro egin behar izan zituzten guztira Gipuzkoako eta Nafarroako errepideetan, Errenteriako Don Bosco institutuan hasi eta Hondarribiko kirol-portuaren inguruan amaitzen zen ibilbidean. Irabazle orokorrez gain, beste sari batzuk ere eman zituzten, horien artean kartel onenaren saria Jon Martinezentzat, eta elegantziaren saria Miguel Angel Vidaurretarentzan.
Antolakuntzak poza adierazi du ekintzak izan duen harrera onagatik eta eskerrak eman dizkie parte hartzaileei, baita Don Boscora ikustera gerturatu direnei ere.
