Mineralen bila arituko dira hileko azken igandean
Arditurrin 2.000 urtez ustiatu diren mineralen laginak bilatzen arituko dira, baita aztarnak ikusten ere. Familientzako ibilbidea izango da.
Arditurri parketxeak Mineralen bila ibilaldi gidatua antolatu du hilaren 26rako. Hileko igande horretan Arditurrin 2.000 urtez ustiatu dituzten mineralen bila abiatuko dira, oraindik arrastoak geratzen baitira.
Jaso eta aztertuko dituzten mineralak bertan utzi beharko dituzte, Aiako Harria natur parkearen eremua babestua delako. Horrez gain, meatzaritzak utzitako aztarnetan jarriko dute fokua.
Ibilbide gidatua 10:00etan aterako da parketxetik, eta 12:00etan bukatuko da, toki berean. Elebitan izango dela jakinarazi dute. Prezioari dagokionez, 12 urtetik beherakoek 3 euro ordaindu beharko dute, eta adin horretatik gorakoek, berriz, 6.
Informazio gehiago jasotzeko, edo erreserbak egiteko, 943 49 50 69 eta 688 89 50 68 telefono zenbakietara dei daiteke. Bestela, e-posta ere bidez jar daiteke harremanetan. Beraien webgunean ere aurki daiteke informazioa.
