Foru Aldundiak eta Pasaiak herriaren sustapenerako hitzarmena berritu dute
Aurten, 684.000 eurokoak izango dira diru laguntzak, iazkoa baina % 18 gehiago. Lurralde Antolaketako Rafaela Romero eta Itziar Gomez alkatea izan dira bertan.
Gipuzkoako Foru Aldundiko Mugikortasuneko eta Lurralde Antolaketako diputatu Rafaela Romerok eta Pasaiako alkate Izaskun Gómezek agerraldia egin dute. Bertan, badia berroneratzeko erakundeen arteko hitzarmena berritu dutela adierazi dute. Horri esker, 2023an, Pasaiaren hiri-berrikuntza “bultzatzen jarraituko” dela adierazi dute, eta “ingurune atseginago, irisgarriago eta inklusiboago bat lortzeko” pausoak emango direla.
Romerok azaldu duenaren arabera, aurten Foru Aldundiak guztira 684.000 euro bideratuko ditu Pasaiara, iaz baina % 18 gehiago: “Horren bidez, kirol instalazioen irisgarritasuna, segurtasuna, berdintasuna eta optimizazioa hobetuko dira”. Bestela ere, aldundiak Pasaiaren eraberritzearekin duen plan integralerako konpromisoa erabatekoa dela adierazi du, eta hondatutako hiri espazioak “epe ertain edo laburrean” berreskuratuko dituztela.
Gomez alkateak laguntzok herriko kirol-instalazioak, irisgarritasuna eta hiri-espazioak hobetuz, bizi kalitatea hobetzen lagunduko dutela azpimarratu du.
