Trafiko aldaketak, bihar, inauteriengatik
Donibanen Meipiko biribilgunea itxiko dute egun osoan zehar, eta San Pedron, Pasaman eta Herriko plaza.
Bihar, larunbata, Inauterietako egun nagusia ospatuko dute pasaitarrek. Hori horrela, hainbat ekimen eta desfile antolatu dituztenez, udaltzaingoak trafiko aldaketen berri eman du. Aldaketok, nagusiki, San Pedro eta Donibane eragingo dituzte.
Batetik, Donibanen Lezobidea moztuko da Meipiko biribilgunearen parean; goizeko 10:00etatik gaueko 00:00etara. Bizkaia plazara heltzeko, ibilgailuek Larrabide errepidetik edo San Roke zein Juan XXII.a kaleetatik heldu beharko dute. Irteteko, Bordalaborda kalea erabiliko da. Ibilgailuek Meipiko biribilgunean emango dute buelta, aipatu ordutegian.
Bestetik, San Pedron, Herriko plaza eta Pasaman alargunaren kalea itxiko dituzte 10:00etatik 00:00etara. Hortaz gain, arratsaldez Arraunlari kalea itxiko dute, 14:00etatik 18:00etara.
