Urdaburuk mugikor bidezko argazkigintza ikastaroak eskainiko ditu
Martxoan, asteazkenero eskainiko ditu saioak mendizale elkarteak. Arratsaldeko 19:30etik 20.30era bilduko dira, elkartean.
Urdaburu Mendizale Elkarteak mugikorren bidez argazkiak egiten ikasteko ikastaroa antolatu du martxorako. Hilabeteko asteazkenetan elkartuko dira; martxoaren 1ean, 8an, 15ean, 22an, eta 29an, alegia. Elkartean bilduko dira parte hartzaileak, arratsaldeko 19:30etik 20:30era.
Ikastaroa elkarteko kide batek eskainiko du, eta bertan argazkien konposizioaz, enkuadraketaz eta edizioaz (snapseed) arituko dira.
Ikastaroa doakoa da, baina hogei parte hartzaileko taldea osatuko dute, gehienez ere. Hortaz, esteka honen bidez eman beharko du izena interesa duenak. Bestela ere, elkartera bertaratuta izena emateko aukera zabaldu du elkarteak. Otsailaren 28ra arte zabaldu dute epea.
