Mutilen taldeak hiru puntura du lider postua
Mutilek Oñati irabazi dute, gol bakarreko partidan. Neskek Burgosen kontra galdu dute, etxean, bat ere aukerarik sortu gabe.
Garaipena ospatzeko argazkia atera zuten aldageletan. Gizonen Ohorezko Erregional Mailako sailkapena gori-gori dago. Lau talde daude lehenengo postuagatik borrokan, eta horietako bat Oiartzun da.
Atzo arratsaldean beste pauso bat eman zuten borroka horretan. Oñatitik hiru puntu ekarri zituzten, 25. minutuan Aranburuk sartutako golari esker.
Bigarren golaren bila jarraitu zuten lehenengo zatian, baina ez zen iritsi lasaitasuna emango zien saririk iritsi. Bigarren zatian defentsa lan bikaina egin zuten oiartzuarrek, eta atea hutsean mantentzea lortu zuten.
Hernani aurreko liderrak galdu, eta orain Añorgak hartu du lehenengo postu hori. Hiru puntura dituzte oiartzuarrek.
Emakumeen porrota
Nesken talde nagusiak Burgosen bisita jaso zuen, eta gaztelarrek erakutsi zuten gehiago zirela. Gaitasun fisiko handiagoa erakutsi zuten burgostarrek, eta hiru gol sartu zizkieten oiartzuarrei.
Etxekoak ez ziren aukerak sortzeko gai izan. Argi geratu zen koska bat gorago daudela Burgosekoak, Reala eta Eibar bezalaxe. Izan ere, Oiartzunek denboraldian jaso dituen 28 goletako hamasei talde horien kontrako partidetan izan dira.
Emakumeen Lehen Nazional Maila
- Oiartzun — Burgos: 0-3.
Gizonezkoen Ohorezko Erregional Maila
- Aloña Mendi — Oiartzun: 0-1.
Emakumeen Euskal Liga
- Oiartzun B — Zarautz: 1-1.
Gizonen Gorengo Maila
- Oiartzun Bren liga datorren asteburuan bueltatuko da.
Emakumeen Gorengo Maila. Igoera Maila.
- Oiartzun Cren ligak atseden hartu du asteburuan.
Mutilen Gazte Mailako Nazional Maila
- Oiartzun — Durangoko Cultural: 1-2.
Mutilen Gazte Mailako Gorengo Maila
- Oiartzun Bk atsedena izan du asteburuan.
Mutilen Gazte Mailako Lehen Maila. Kopa
- Oiartzun Ck atseden izan du asteburuan.
ARETO FUTBOLA
Gizonen Gipuzkoako Lehen Maila
- Oiartzun KEk atseden izan du.
Gizonen Gipuzkoako Bigarren Maila
- Miren Taberna OKEk atseden izan du.
