[Galeria eta bideoa] Karmengo Amak abiarazi ditu inauteriak
Ikasleek desfilea egin dute goizean. Asteburu luzea dute oraindik aurretik bizilagunek, egunotan ospatuko baitituzte Trintxerpeko inauteriak.
11:00etan egin dute hitzordua Karmengo Ama eskolako ikasleek inauteriei abiada emateko. Patioan dantza eta jauziz, eguzkia lagun, hasi dute eguna, eta hortik Trintxerpeko kale nagusiak zeharkatzeari ekin diote. Ikastetxearen kanpoaldea bete dute senide eta bizilagunek, eta txalo artean akonpainatu dituzte gazteak ibilbide osoan zehar.
Gaurkoa kolorez josiriko asteburu baten hasiera besterik ez da izan, gaurtik aurrera ospatuko baitituzte Trintxerpeko inauteriak. Hemen klik eginda ikus daiteke Jai Batzordeak prestaturiko egitaraua.
Jarraian, gaur goizean HITZAK bildutako zenbait argazki, eta laburpen bideo bat.
