Ana Alfageme Aliste izango da Ezker Anitza-IUren alkategaia
Zintzotasuna emateko eta "pasaitarren eta elkarte-mugimendu osoaren eskura egiteko prest" agertu da Alfagame, "pasaiako langileen oraina eta etorkizuna elkarrekin ehuntzeko".
Datozen udal hauteskundeetarako alkategaia aukeratu du Pasaiako Ezker Anitza-IUk: Ana Alfageme Alsite izango da alkatetza lortzeko hautagaia. Gaur aurkeztu dute hautagaitza Trintxerpeko Alkateordetzan, Arantza Gonzalez Gipuzkoako koordinatzailearekin batera izan da.
Donostiako Etxez Etxeko Laguntza Zerbitzuko langilea da egun, enpresa batzordeko kide eta CCOO sindikatuko lan arriskuen prebentzioko ordezkari. Eskola publikoaren defendatzaile dela esan du, Karmengo Amaren jardueran parte hartzen du egun.
“Zintzotasuna emateko” eta “pasaitarren eta elkarte-mugimendu osoaren eskura egiteko prest” agertu da Alfagame, “pasaiako langileen oraina eta etorkizuna elkarrekin ehuntzeko”. Herriaz harro azaldu da, eta EAJren eta PSEk “herria biziberritzeko eredu hutsala berresteko erabili duten esloganaren” kontra jo du. “Badirudi bi talde horiek ez dakitela Pasaia dela pertsona askok egiten dugunana asoziazionismoaren bidez kirolean, kultura, musikan, aisialdian edo feminismoan. Horregatik, gure ustez, elkarte izaten jarraitzeko ezinbestekoa da elkarte horiek guztiak kontuan hartzea, elkarrekin urrunago iritsiko baikara”, esan du.
