Arrosa Sarearen X. Jardunaldiak, abian
Euskal Herriko irrati libreen topaketa egiten ari dira gaur herrian, Zintziliken eskutik heldu da aurtengoa. Egun osoko egitaraua antolatu dute.
Gaurkoa egun berezia da Euskal Herriko irrati libreentzat, hitzordu garrantzitsua dute Errenteria-Oreretan. Arrosa Sarearen X. Jardunaldiak abiatu dituzte gaur goizean, Zintzilik irratian. Egun osoko egitaraua antolatu dute.
Gosari berezia egin dute denek elkarrekin, egunari hasiera emateko. Ondoren, tailerrak eta hitzaldiak eman dituzte. Bitarte horretan, eguerdira bitarte, irratsaio berezi bat eskainiko dute. 14:30ean berriz, bazkaria egingo dute, Gaztañoko auzo elkartean. Ondoren, bingo musikalaren txanda helduko da. 17:30ean, eguna biribildu eta bukatzeko, poteo musikatua egingo dute.
Goiko irudia goizeko hitzaldikoa da, bertan izan da HITZA. Irrati libreen legeztatzea: kontratak eta onurak izeneko hitzaldia eskaini du Zintzilikeko kide eta zuzenbidean graduatutako Iker Gomezek.
