Hilaren 17tik 19ra, bertatik bertarako antzerki musikala Pasaian
'Pasaia KM0' zikloak herriko eta inguruko jendearekin egindako lan eszenikoak doan eskainiko ditu Juanba Berasategin.
'Creando los Miserables con Victor Hugo' hilaren 19an emango dute. 
Pasaian, pasaitarrengandik eta pasaitarrentzako jaio da Pasaia KM0 antzerki musikatuko zikloa. Arduradunek adierazi dute bertako sortzaileei ikusgarritasuna emateko asmoz abiarazi dutela iniziatiba: “Ziklo hau sortu da jabetu garelako Pasaian herriko eta inguruko jendearekin egiten den lan eszeniko ugariak ikusgarritasun urria duela”.
Hori horrela, alde-sormenaren bidez komunitatea sortzearen garrantzia oholtzara eramango dute herriko artistek. Helburuen artean, talde-sormenak dakartzan onurak eta sortzen duen gizarte-kohesioa ikusaraztea, belaunaldi desberdinetako eta gizarte-errealitate ezberdinetako pertsonen artean sinergiak sortuz. “Lan hauek bertakoak dira, hurbilak etxean egindakoak”.
Programa osoa doakoa da, baina emanaldi bakoitzaren aurretik sarrerak erreserbatzeko eskatu dute antolatzaileek. Horretarako aukera bibe.me webgunean edo Juanba Berasategi auditorioan bertan izango dute hala nahi dutenek.
Jarraian, zikloaren hitzorduak. Emanaldi den-denak Juanba Berasategin izango dira.
- Hilak 12, igandea
- Entsegu irekia: Creando Los Miserables con Victor Hugo
- Antxoko San Fermin Elizan
- Pasai Antxo
- 12:45
- Musika-entsegu irekia: Victor Hugorekin Miserableak sortzen. Ikus-entzuleek antzezlan bat sortzeko prozesuan agertokitik kanpo egiten den lanaren zati bat ikusi ahal izango dute.
- Mezaren amaieran hasiko da ekitaldia.
- Hilak 17, ostirala
- Bad-irudi
- Juanba Berasategi, Pasai Donibane
- 19:00
- Film ospetsu batzuen antzezpen komikoa, teaser edo trailer moduan: Titanic, E.T. eta beste hainbat. Oso dibertigarria!
- Moulin Rouge
- Gazteleraz
- Juanba Berasategi, Pasai Donibane
- 19:30
- Guachindanguitoek Moulin Rouge filma antzerkira egokitu dute, jatorrizko abestiak bikoiztuz eta ikus-entzuleak harrituko dituzten abesti berriak gehituz. Ordubeteko antzerki musikala, non maitasuna nagusituko den beste ezeren gainetik; izan ere, “Gerta dakizukeen handiena maitatzea eta maitatua izatea da”.
- Doako sarrera, hemen klik eginda.
- Hilak 18, larunbata
- In memorie
- Juanba Berasategi, Pasai Donibane
- 19:00
- La Jarana taldearen lehen lana, Pasaiako udal-tailer batean sortutako bertako antzerki-taldea. Pieza hau parte-hartzaileen musika-proposamenetatik abiatuta sortu da, eta istorio txiki bat eraiki da. Amona baten memoria, haren bilobak trastelekuko kutxa batean aurkitua; izan ere, aitak ez zion trastelekura igotzen uzten.
- Doako sarrera, hemen.
- Hilak 19, igandea
- Creando los Miserables con Victor Hugo
- Juanba Berasategi, Pasai Donibane
- 18:00
- Victor Hugoren Miserableak klasikoaren egokitzapena.Pasaiako badiako herritarren osatutako abesbatza, arte eszenikoetako hiru profesionalek lagunduta: Ekaitz Gonzalez, Oihana Regüela eta Iñigo Ortega.
- Topaketa ikusentzuleekin
- 19:30
- Antzezpena amaitzean, konpainiaren eta ikusleen arteko topaketa bat egingo da, Juanba Berasategiko balio anitzeko aretoan.
- Doako sarrera, webgune honetan.
