[Bideoa eta galeria] Berdintasun Mahaia eskatu dute
Emakumeen zapalkuntzari aurre egiteko lanketa orokorrak, eta Lezori dagokion bat planteatu zituzten atzoko Lezoko Martxoaren 8an.
Jendetza atzo Lezoko Martxoaren 8an. Iruntzen Lezoko Emakume Taldeak eta Gaxuxa Emakume Taldeak apustua egin zuten, eguneko mobilizazio handia herrian nahi zuten. Ondo, oso ondo atera zen apustua: 500 inguru izan ziren aldarrikapen feministekin bat egin zutenak, herrian aspaldian oroitzen den mobilizaziorik jendetsuenean.
Soldaten arrakalarekin haustea, eta zaintza sistema berri bat eraikitzea izan ziren atzorako Lezon zabaldu ziren mezu orokorrak. Baina herrirako bat zehatza ere planteatu zuten, ez berria gainera: Lezon Berdintasun Mahaia sortzea, herriko agente (udala barne) eta norbanakoak bilduko lituzkeena, berdintasunaren bidean urrats irmoak emateko.
Jarraian lau elementu: lehena, atzoko martxa hasi aurretik Saldise plazan irakurri zen agiriaren audioa; bigarrena, behin martxa bukatuta Saldise plazan egin zen irakurketa poetikoaren audioa; hirugarrena, atzoko martxa laburtzeko bideoa; eta laugarrena, HITZAk atzo Lezon jasotakoen irudi bilduma.
- Audioa: manifestazioa hasi aurretik zabaldu zen mezua.
- Audioa: manifestazioa bukatu zenean zabaldu zen mezua.
