Astronomia, euskaltegietan
Aranzadi Zientzia Elkarteko Virginia Garciaren ardurapean izango dira saioak. Martxoaren 13tik 29ra luzatuko dira.
Aranzadiko Virginia Garciak gidatuko ditu saioak. Astronomia: gure zerua ezagutzen izenburuko tailerrak emango ditu martxoan zehar Aranzadi Zientzia Elkarteko Virginia Garciak, Oarsoaldeko sei euskaltegietan. Lehena hilaren 13an izango da, azkena 29an. Oarsoaldeko Euskara Batzordearen Mintzagun egitasmoaren barrukoak dira saio horiek.
Honakoak dira hitzorduak:
- Hilaren 13an, Lezoko Oroitzene AEK euskaltegian (17:30-19:00).
- Hilaren 21ean, Errenteriako Udal Euskaltegian (09:30-11:00).
- Hilaren 22an, Errenteria-Oreretako Xenpelar AEK euskaltegian (09:00-10:30).
- Hilaren 27an, Oiartzungo Intxixu AEK euskaltegian (18:00-19:30).
- Hilaren 28an, Pasaiako Udal Euskaltegian (17:00-18:30).
- Hilaren 29an, Antxoko Txirrita AEK euskaltegian (19:00-20:30).
Egitasmoa hasi zenetik, 54 tailer bideratu ditu Oarsoaldeko Euskara Batzordeak. Euskara ikasten ari direnei gai erakargarri, berritzaile eta gaurkotasunezkoak hurbildu nahi dizkiete, edozein gai euskaraz jorra daitekeela eta ikasleek horiek ulertzeko gai direla ohartarazteko.
