San Pedroko Jaiak antolatzen hasiko dira astelehenean
San Pedroko Jai Batzordeak bilera deitu du astelehenerako. Ekainaren 28an abiatuko diren jaiek nondik-norakoak hartuko dituzte ahotan.
Ekainaren 28an, asteazkenarekin, botako dute aurtengo sanpedroen txupinazoa. 
San Pedroko Jai Batzordeak biltzera deitu ditu bizilagunak, ekainaren 28tik uztailaren 2ra bitarte ospatuko dituzten barrutiko jaiak antolatzen hasteko. Bost egun horietako egitarauaren nondik-norakoak mahai gainera eramango dituzte lehen bilkura horretan.
Hitzordua datorren astelehenerako zehaztu dute, antolakuntzan parte hartu nahi duen edonor 19:00etan Ertira gerturatu ahalko da ekarpena egiteko. Deialdi irekia egin dute bizilagunek: “Haur, gazte, heldu, elkarte edo tabernari! Jaiak badatoz eta zuekin elkartu, zuen iritzia entzun eta partekatzeko bilera deialdia luzatu nahi dizuegu jai batzordetik. Zuen proposamenak eta parte hartzea garrantzitsuak dira guztion artean egindakoak eta guztiontzako diren jaiak izateko”.
