Araudiak berritu ez direla-eta kezkatuta dago PSE-EE
Agintaldian araudi berririk onartu ez izana ezkor baloratu du alderdi sozialistak, haren ustetan "ezinbestekoak" direlako udalerriaren etorkizuna bermatzeko.
Araudiaren berritzerik ez izana leporatu dio PSE-EEk gobernu taldeari. Argazkia: PSE-EE Amaitzear den agintaldian araudi berririk sortu ez, eta daudenak berritu ez izana leporatu dio PSE-EEk gobernu taldeari, eta horrek udalerriarentzat “ezinbesteko” diren politikak garatzea “ezinbesteko” egin duela erantsi. Isaac Palencia sozialisten bozeramaileak Hiri Ordenamendurako Plan Orokorrak hamabi urte daramatzala “iraungita” salatu du komunikabideetara helarazitako prentsa oharrean, eta “aspaldian abian behar zuen” Hiri Mugikortasun Planik gabe: “Gobernu taldearen inkonpetentzia gure etorkizuna baldintzatzen ari da, eta atzeratasunera garamatza”.
Egoera “larritzat” jo du, “Hiri Ordenamendurako Plan Orokorrak ezinbestekoa delako udalerriaren promozioa eta garapenerako. Ez eguneratzeak, inkoherentziak eragiten ari da egiten ari diren eraikuntza eta proiektuen artean, eta horrek, ezinbestean, hiri espazioa era egokian ez erabiltzea ekarriko du”.
Hiri Mugikortasunerako Irisgarritasun Planari dagokionean, alderdi sozialistak zortzi urte daramatzala eskatzen esan du, “beharrezkoa da mugikortasun eraginkorra eta irisgarria ezartzeko, trafikoaren pilaketa gutxituz, aparkatzea hobetuz, airearen kalitatea hobetuz eta pertsonak eta haien ongizatea mugikortasun politiken erdigune bihurtuz”.
