'Footcab' mahai berriak dituzte lezoarrek
Udalak hondatuta zegoen ping-pong mahai bat berritu, beste bat erosi, eta 'Footcab' modalitaterako beste bi instalatu ditu.
Irlentz Ortega Kirol zinegotzia, instalatutako mahai berrietako baten alboan. 
Ping-pong klasikoa eta footcab modalitate berritzailea sustatzeko inbertsioa egin du Lezoko Udalak, Irlentz Ortega Kirol zinegotziak adierazi duenez. Zehazki, aurretik instalatuta zegoen ping-pong mahai bat berritu eta, “jendea mahai tenisean jolastera hurbiltzen ari zela ikusita”, beste bat jarri dugu Lezon. Horrez gain, footcab-ean aritzeko beste bi ere instalatu dituzte.
Ping-pongeko bi mahai daude gaur-gaurkoz Lezoko kaleetan, bata kiroldegian eta Altamiran bestea, harrera etxearen ondoan. Footcabekoak, berriz, Altamiran eta Lopenen ezarri dituzte.
Azken bi horiei dagokienez, udal arduradunak baieztatu du “oso modalitate dibertigarria” dela, oinekin eta buruarekin ping-pongean aritzeko mahaiak baitira footcabekoak. Geroz eta gehiago ikusten dira horiek kalean; urrunegi joan gabe, Antxon bertan badute bat.
