Euskal Herriko Pala Txapelketa Irekiaren emaitzak (2023-03-13)
Madalensoron txapelketako sei partida jokatu dituzte asteburuan, eta datorren asteburuan beste hamar jokatuko dituzte.
Zutik, Izkierdo, Ferreiro, Zapirain epailea, Pagoaga eta Berdegue. Makurtuta; Iturriotz, Alkorta, Arana eta Zubiarrain. Giriziako pilota sailak antolatzen duen pala txapelketako sei partida jokatu dituzte asteburuan. Hirugarren Mailan hiru partida jokatu dituzte, Bigarren Mailako beste bi, eta Lehen Mailako bakarra.
Honakoak izan dira larunbat eta igandean jokatu dituzten partiden emaitzak. Partida gehienak alde handiarekin bukatu ziren, baina Hirugarren Mailako batek ikuskizuna eman zuen, tanto guztiak jokatu baitziren.
Hirugarren Maila
- Oñate — Tejedor / Zendoia — Ruiz: 14-25.
- Ibargutxi — Pradera / Carrera — Alvarez: 0-25.
- Izkierdo — Ferreiro / Pagoaga — Berdegue: 25-24.
Bigarren Maila
- Arana — Zubiarrain / Iturriotz — Alkorta: 25-10.
- Aldalur — Zubillaga / Salvador — Salvador: 17-25.
Lehen Maila
- Antxordoki — Martiko / Urrutia — Madariaga: 25-9.
Datorren asteburuan beste hamar partida jokatuko dituzte: launa larunbat goiz eta arratsaldean, eta beste bi igande goizean. Honakoa da kartelera, ordutegiekin.
