[Galeria] 1.500 lagunek ezagutu dute Landetxe eraikina
Inaugurazio ekitaldian, bisita gidatuetan zein kultur saioetan bildu dira ehunka oiartzuar, eta eraikin berria ezagutzeko aukera izan dute.
![landetxe bisita](https://oarsoaldea.hitza.eus/site/files/2023/03/landetxe-bisita.jpg)
Zazpi urte dira Landetxe eraikinaren proiektua martxan jarri zenetik, eta pasa den ostiralean inauguratu zuten.
Ostiralean bertan nabarmena zen eraikina irekitzeak eragindako ilusioa: inaugurazio ekitaldian puntualtasuna zehatz-mehatz errespetatzeaz gain, txalo eta poz oihuak entzun ziren publikotik.
Ostiralean eserleku guztiak bete zituzten, eta larunbat zein igandeko Irati eta Kukairen emanaldietan ere Ez dago sarrerarik jarri behar izan zuten sarrerak saltzeko propio sortu duten webgunean.
Bisita gidatuak
Larunbat goizean ate irekien jardunaldia egin zuten, eraikin guztia —eta ez kultur aretoa bakarrik— ezagutzeko aukera emanez. Oiartzungo Udalaren arabera, ehunka izan ziren Landetxe eraikinaren txoko eta zirrikitu guztiak ezagutu zituztenak.
Udaleko zinegotziak aritu ziren azalpenak ematen, eta normalean itxita egongo diren hainbat txoko ere erakutsi zizkieten jakin-mina asebete nahi zuten oiartzuarrei: kamerinoak, kontrol gela, aldagelak, artisten erabilerarako izango diren tokiak… Batzuek, gainera, oholtza gainera igo eta argazkia ateratzeko aprobetxatu zuten.
Guztira 1.500 lagun pasatu dira eraikin estreinatu berria ezagutzera, udalak adierazi duenez.
Bihar —asteartea, hilak 14— eta etzi herriko haurrek izango dute eraikina bisitatzeko aukera. Elizalde Herri Eskolako eta Haurtzaro Ikastolako Lehen Hezkuntzako 3, 4, 5 eta 6. mailetako ikasleei Landetxeko sekretu guztiak kontatuko dizkie Lur Kortak.
[Argazkiak Oiartzungo Udalarenak dira]
![Landetxe eraikina: bisita gidatua](https://live.staticflickr.com/65535/52745389955_5c9fc4438c.jpg)
![Landetxe eraikina: bisita gidatua](https://live.staticflickr.com/65535/52745389925_e5370cf865.jpg)
![Landetxe eraikina: bisita gidatua](https://live.staticflickr.com/65535/52744974756_be1a1e6f0e.jpg)
![Landetxe eraikina: bisita gidatua](https://live.staticflickr.com/65535/52745467653_d80903a980.jpg)
![Landetxe eraikina: bisita gidatua](https://live.staticflickr.com/65535/52744974731_debacfd86a.jpg)
![Landetxe eraikina: bisita gidatua](https://live.staticflickr.com/65535/52745389870_189c2a7b2d.jpg)
![Landetxe eraikina: bisita gidatua](https://live.staticflickr.com/65535/52745467613_2fa51ef4e7.jpg)
![Landetxe eraikina: bisita gidatua](https://live.staticflickr.com/65535/52745467603_b6785c6f5d.jpg)
![Landetxe eraikina: bisita gidatua](https://live.staticflickr.com/65535/52745228679_a1bf26ed81.jpg)
![Landetxe eraikina: bisita gidatua](https://live.staticflickr.com/65535/52744458102_1ab82a224e.jpg)
![Landetxe eraikina: bisita gidatua](https://live.staticflickr.com/65535/52744974621_aa200d378e.jpg)
![Landetxe eraikina: bisita gidatua](https://live.staticflickr.com/65535/52745228574_06b775525f.jpg)
![Landetxe eraikina: bisita gidatua](https://live.staticflickr.com/65535/52745389675_ba36758629.jpg)
![Landetxe eraikina: bisita gidatua](https://live.staticflickr.com/65535/52744457937_63a6315f7d.jpg)
![Landetxe eraikina: bisita gidatua](https://live.staticflickr.com/65535/52745389625_5e72abc3d8.jpg)