Oihan Etxeberria eta Unax Landa, Euskal Herriko txapeldun
22 urtez azpikoen txapelketa irabazi dute Mungian, Azkoitiko bikotea lan erditan utzita. Etxeberriak Naiarako txapelketa irabazi du baita ere.
Oihan Etxeberria eta Unax Landa, txapela jantzita. Asteburu polita izan da Oiarperentzat. Izan ere, Oihan Etxeberria eta Unax Landak osatutako bikoteak txapela lortu du, eta ez nolanahiko txapelketan.
22 urtez azpiko kategoriako Euskal Ligako finala jokatu zuten atzo eguerdian Mungian (Bizkaia). Oiarpeko bikotea bikain aritu zen Azkoitiko Aranbarri eta Garciaren kontra, lan erditan utzi baitzituzten azkoitiarrak.
Etxeberriarentzat, beste bat
Atzokoa ez da Oihan Etxeberriak asteburuan lortu duen txapel bakarra izan. Pasa den ostiralean, Naiarako Erresuma txapelketako finala irabaztea lortu zuen.
Etxeberria, Naiaran (Errioxa) lortutako txapelarekin.
Errioxako herri horretako txapelketan Calvo markinarrarekin batera aritu da, eta Uriarte lezamarra eta Plaza lezamarra gainditu zituzten, 22-15eko emaitzarekin.
Asteburuan hiru final jokatu dituzte, eta hirugarrena ezin izan zuten irabazi. Atzo goizean, Gazte Mailako Lizarrako 4 1/2ko Txapelketako finala jokatu zuen Oier Zabaletak, Iglesias lezamarraren kontra. Ez zuen txapela lortu, baina nahiko hurbil ibili zen (17-18).
Partida horiez gain, beste hamahiru partida jokatu dituzte asteburuan. Malerrekako txapelketako partidak programatuta zeuden, baina hezetasunagatik atzeratu dituzte. Hona hemen jokatu direnean emaitzak.
