Aurresku Txapelketa egingo dute larunbatean
Larunbat arratsaldean izango da aurresku txapelketa, Gazte Mailakoa. 27 dantzari igoko dira udaletxeko areto nagusiko oholtzara.
![Oiartzungo Aurresku txapelketa 2022](https://oarsoaldea.hitza.eus/site/files/2023/03/oiartzungo-aurresku-txapelketa-2022.jpg)
Datorren larunbatean, hilak 25, Oiartzungo Aurresku Txapelketa egingo dute udaletxeko pleno aretoan. Gipuzkoako Euskal Dantzarien Biltzarrak eta Oiartzungo Udalak antolatu dute.
Txapelketa 16:30ean hasiko da. Aduna, Alkiza, Amasa-Villabona, Andoain, Areso, Asteasu, Astigarraga, Elgoibar, Errenteria-Orereta, Legazpi, Lezo, Lizartza, Oiartzun, eta Zizurkil herrietako 27 dantzari arituko dira.
Bi sailetan banatuko dituzte dantzariak, adinaren arabera bereizita. B sailean 2010, 2011 eta 2012 urteetan jaiotakoak; eta D sailean, berriz, 2008 eta 2009 urteetakoak.
Sailaren arabera, honako dantza hauek eskaini beharko dituzte. B sailakoek, Hondarribi Handia eta Segurako zortziko zaharra; eta D sailekoek, berriz, Betronio handia eta Aurkez aurke.
Epaimahaia Katerin Artola oiartzuarrak, Nahikari Vizuete lezoarrak eta Nagore Indakoetxea errenteriarrak osatuko dute.
Honakoak izango dira Aurresku Ligaren barruan dantza egingo duten dantzariak:
B SAILA
- Jon Alberdi (Legazpi).
- Ixone Lorenzo (Lezo).
- Julen Lertxundi (Asteasu).
- June Osinalde (Legazpi).
- Elene Otaño (Oiartzun).
- Araitz Berastegi (Legazpi).
- Intzara Gurrutxaga (Areso).
- Aiara Aburuza (Aduna).
- Nora Escudero (Legazpi).
- Mairi Maya (Errenteria-Orereta).
- Enara Artola (Lezo).
- Nora Davila (Zizurkil).
- Unax Ansola (Elgoibar).
- Onditz Esnaola (Lizartza).
- Nahia Mujika (Alkiza).
D. SAILA
- Naia Amorena (Astigarraga).
- Naroa Nieto (Amasa- Villabona).
- Irati Larrañaga (Andoain).
- Amaiur Tejeria (Zizurkil).
- Ilargi Arozena (Errenteria-Orereta).
- Olaia Iraola (Zizurkil).
- Duna Santos (Elgoibar).
- Jone Arretxe (Amasa-Villabona).
- Eider Zabala (Amasa-Villabona).
- Mara Albistur (Errenteria-Orereta).
- Clara Larrañaga (Amasa-Villabona).
- June Larrañaga (Andoain).