Udalekuetan izena emateko epea zabaldu dute
Apirilaren 2ra eman ahal izango da izena, 'gazteoiartzun.eus' webgunean. HH3 eta LH6 mailen arteko ikasleei zuzenduta daude udalekuak.
Udalekuak uztailaren 3tik 29ra izango dira. Aurtengo udalekuetan izena emateko epea gaur zabaldu dute. Uztaileko goizetan izango dira udalekuak, 09:30etik 13:30era, eta apirilaren 2ra arte eman ahal izango da izena. HH3tik LH6ra bitarteko haurrei daude zuzenduta udaleku horiek.
Izen-ematea online egin beharko da, ludotekaren webgunearen bitartez. Galdetegia hemengo estekan aurki daiteke.
Izen ematerekin batera, haurraren osasun txartela, ordainagiria eta adin txikikoen datu babesa bete eta atxikitu beharko dira. Jakinarazi dute epez kanpo ez dutela inor onartuko; 400 toki egongo dira.
Guraso bileraren data eta ordua zehaztu dute. Ekainaren 16an izango da, 17:00etan hasita, udaletxeko pleno aretoan. Bertan zalantzak argituko dituzte, udalekuen nondik norakoak azaltzeaz gain.
Lehen hamabostaldia uztailaren 3tik 14ra izango da. Bigarrena, hil horren 17tik 28ra.
Hamabostaldi bat
- Normala: 41,20 euro.
- Normala + autobusa: 54,60 euro.
- Matrikulatutako hiru ume: 31,95 euro bakoitzak.
- Matrikulatutako hiru ume eta autobusa: 42,25 euro.
- Familia gurasobakarrekoa: 28,85.
- Familia gurasobakarrekoa + autobusa: 31,95.
Hilabete osoa
- Normala: 82,40 euro.
- Normala + autobusa: 110,25 euro.
- Matrikulatutako hiru ume: 64,40 euro bakoitzak.
- Matrikulatutako hiru ume eta autobusa: 85,50 euro.
- Familia gurasobakarrekoa: 57,70.
- Familia gurasobakarrekoa + autobusa: 77,15.
Honakoa da kontu korronte zenbakia: ES66-3035 0126 64 1260048216.
Antolatzaileekin harremanetan jartzeko, 943 50 64 12 edo 645 005 496 telefono zenbakietara dei daiteke, edo e-posta bidez idatzi.
Abaraxka ludotekatik ere pasa daiteke, 16:00etatik 20:00etara.
