Funtzionarioen soldaten igoera eta ETSren konpentsazioa, plenora
Hurrengo udalbatzarraren hamasei puntuen artean daude udaleko langileen ordainsarien hobekuntza eta Azokagatiko konpentsazio hitzarmena.
![](https://oarsoaldea.hitza.eus/site/files/2023/03/udala-pasaia.jpg)
Hileroko ohiko udalbatzarra egingo du Pasaiako udalbatzak datorren asteko asteartean, hilak 25, Arizabalo Jauregian. Ohi bezala, udaletxeko pleno aretoan elkartuko dira pasaitarren ordezkariak, 18:00etatik aurrera.
Guztira hamasei puntu ditu astearteko gai zerrendak, eta besteak beste honakoak hartuko dituzte ahotan: Pasaiako San Pedro 40-42an dagoen Zaharren Egoitza ondasun higiezinaren desafektazioa; ETS-ren eta udalaren arteko lankidetza hitzarmena onartzea Azoka eraistearen konpentsazio gisa; 2022ko likidazioari buruzko txostenaren berri ematea; edota 2023ko ordainsarien igoera onartzea udalaren zerbitzura dauden funtzionarioentzat eta lan-kontratuko langileentzat.
Horra hor zerrenda osoa:
-
- 1.- Aurreko bilkurako 2. akta, 2023-02- 28koa, irakurri eta onartzea.
- 2.- Xedapen ofizialak eta Alkatetzaren eta zinegotzi ordezkarien ebazpenen berri ematea (2023/317 zenbakitik 2023/493 zenbakira).
- ONDAREA, KONTRATAZIOA ETA ZERBITZU JURIDIKOAK
- 3.- Pasaiako San Pedro 40-42an dagoen Zaharren Egoitza ondasun higiezinaren desafektazioari hasierako onarpena ematea.
- 4.- Euskal Trenbide Sarea zuzenbide pribatuko erakunde publikoaren eta Pasaiako Udalaren arteko lankidetza-hitzarmena onartzea, “Luzuriagako bulegoak” higiezin-multzoa birgaitzeko hainbat jarduketa gauzatzearren, Donostialdeko metroaren Altza-Galtzaraborda tarteko eraikuntza-proiektuko obrek eragindako Azoka izeneko eraikina eraistearen konpentsazio gisa.
- OGASUNA
- 5.- Kreditu aldaketen berri ematea.
- 6.- Udalaren 2022ko aurrekontuaren likidazioaren berri ematea.
- 7.- 2022ko likidazioari dagokion egonkortasunaren ebaluazioari eta gastu- arauari buruzko txostenaren berri ematea.
- 8.- Pasaia Musikalen 2022ko aurrekontuaren likidazioaren berri ematea.
- 9.- Pasaiako Euskaltegiaren 2022ko aurrekontuaren likidazioaren berri ematea.
- 10.- Kredituak judizioz kanpo onartzea: 2023/01.
- 11.- Kreditu aldaketaren proposamena onartzea, 1.zenbakiko konpromiso kreditua.
- 12.- 1. kreditu gehigarrien aldaketa eta aurrekontuko dirulaguntzen eranskinaren aldaketa onartzea.
- PERTSONALA ETA ANTOLAKUNTZA
- 13.- Langile baten bateragarritasuna baimentzea.
- 14.- 2023ko ordainsarien igoera onartzea Udalaren zerbitzura dauden funtzionarioentzat eta lan-kontratuko langileentzat.
- GIZARTE EKINTZA
- 15.- Pasaia HerriLab datu-gune federatuan bitarteko elektronikoen bidezko informazio-trukea osatzeko erakunde publiko-pribatuen lankidetza-hitzarmena onartzea.
- 16.- Galde-eskeak.