Xanistebanetako ekitaldien diru-laguntzak zein kirol elkarteenak, plenoan
Hamasei puntuko gai-zerrenda izango du asteazkeneko udalbatzarrak. Bake epaile berria hautatzeko proposamena ere aztertuko dute.
Plenora deituta daude hamazazpi zinegotziak. Etzi arratsaldean egingo dute martxoari dagokion ohiko plenoa. Ohi bezala, 18:00etan hasiko da, udaletxeko pleno aretoan.
Gaiei dagokienez, diru-laguntzak izango dituzte hizpide, besteak beste. Horrela, xanistebanetan kultur ekitaldiak antolatzekoak bozkatuko dituzte puntu batean, eta beste batean kirol elkarteei bideratu beharrekoak.
Horrez gain, bake epailea hautatzeko prozesua ere aztertuko dute, beste hainbat gairen artean. Gai-zerrenda osoa honakoa da:
- Aurreko batzarrari dagokion aktaren onarpena.
- Gipuzkoako Foru Aldundiaren Ogasun eta Finantza Departamentuaren eta Gipuzkoako udalen artean informazioa elkar-trukatzeko esparru hitzarmenera atxikitzea.
- 2023ko zerga ordenantzen aldaketa hasieraz onartzea.
- 2022-2024 diru-laguntzen plan estrategikoaren aldaketa onartzea.
- Administrazio prozedurak berrikusteko, arrazionalizatzeko eta errazteko udalaren prozedura eskuliburua idazteko prozesua abiaraztea.
- Oiartzungo bake epaile titularra hautatzeko proposamena onartzea.
- 2023an Oiartzungo jaietan (Xanistebanak) kultur ekitaldiak antolatzeko diru laguntzak banatzeko oinarriak onartzea. Gastu-onarpena egitea.
- Oiartzungo kirol- kluben eta -elkarteen funtzionamendu gastuetarako eta beraien jarduna sustatzeko 2023ko diru-laguntza eskaeren azterketa.
- Trabajadorien barrakoiak modulua egiteko proiektua gauzatzeko, udalaren jabegoa eta Pikokarate Herri Onurako Mendikoa den Landa Katastroko 2. poligonoko 77. Lursailaren okupazioaren baimena Foru Aldundiari eskatzea.
- Onura publikoa duen Pikokarate mendiko unada bat Arraztalo Elkarteari emakidan esleitzea.
- Arditurri meatzetako plano inklinatuko euskarriak erretiratzeko Oiatzungo Turismo Aukerak S.A.ri emandako obra baimenari dagokion zergan hobaria onartzea.
- Beste ekitaldietako ordainagiriak baliogabetzea.
- 2022ko udal aurrekontuaren likidazioaren berri ematea.
- 2023ko Finantza Kontroleko Planaren berri ematea.
- Beste organo batzuen jarraipena.
- Eskari-galderak.
