Xanistebanetako jai batzordea bihar bilduko da, estreinakoz
Oiartzungo elkarte, eragile eta interesa duten herritar denak gonbidatu ditu Oiartzungo Udalak bilerara. Hiruzpalau bilera egingo dituzte.
Iazko festetan egindako bazkari feministaren irudia. Xanistebanak antolatzeko lehen bilera egingo du jai batzordeak. Bihar —hilak 28— izango da lehenengo bilera hori, pleno aretoan, 18:00etan hasita.
Urtero bezala, Oiartzungo Udalak herriko elkarte eta eragileekin antolatuko ditu abuztuko festa nagusiak. Horregatik, elkarte, eragile zein norbanako guztiak gonbidatu dituzte parte hartzera.
Udalak adierazi duenez, hiruzpalau bilera egingo dituzte xanistebanak prestatzeko.
