Auzoa Ehunduz kakorratz topaketetan izena eman daiteke
Asteartero San Pedron elkartzen jarraituko dute ikasturtearekin bat egiten dutenek. "Babes afektiboko sareak" ehuntzen jarraituko dute.
Gaur artean kakorratz tailerrean egindakoen argazki sorta. 
Auzoa Ehunduz kakorratz topaketak egiten dituzte orain dela hilabeteak San Pedroko Udal Aretoan, eta berriki zabaldu dute apiriletik ekainera bitarteko ikasturteko izen ematea.
Ikastaro horietan, kakorratzaren bidez, pasaitarren artean entzuteko eta zaintzeko espazio bat sortzen dela ziurtatu dute udaletik. “Ikuspegi komunitario eta feministatik eta belaunaldiarteko ikuspegitik lan egiten dugu, babes afektiboko sareak sustatuz”.
Asteartero elkartzen da taldea, 16:30ean San Pedroko Udal Aretoan. Izena eman nahi duenak edo xehetasun gehiago behar dituenak 650 48 11 38 telefono zenbakira deitu edo posta bidezko mezua bidal dezake.
