'Mater' ontzian badago zerekin gozatu egunotan
Aste Santuko oporrak dituztenentzako kultur eta ingurumen eskaintza prestatu du San Pedroko ontzi museo ekoaktiboak.
![](https://oarsoaldea.hitza.eus/site/files/2023/04/sara-lizarza-mater.jpg)
Mater Ontzi Museo Ekoaktiboak eskaintza aberatsa prestatu du Aste Santuko oporrak dituztenentzat. Jaizkibel-Ulia Kontserbazio Bereziko Eremua ezagutu edo itsas-ingurumenaren aldeko keinua egin nahi duenak aukera izango du horretarako San Pedrotik abiatuz.
Jaizkibelgo itsaslabarrak ezagutzeko irteerak antolatu dituzte hilaren 6, 8 eta 9rako, 12:00etatik 13:30era. Itsasoa zaindu eta bertako hondakinak arrantzatu nahi dituenak, ordea, irteera hilaren 9an izango du, 17:00etatik 19:00tara. Irteeretako azkenak ilunabarra itsasotik ikusteko egingo dituzte, hilaren 7 eta 9an, 20:00tatik 21:30era.
Ibilbide gidatu eta tailerrak ere prestatu ditu Materrek datozen egunotarako: hilaren 5ean arrain lonja bisitatuko dute hala nahi dutenek, 06:00etatik 07:30a arte. Hilaren 16an, berriz, 12:00etatik 13:30era, Marinela egun batez tailerra egingo dute.
Bisitak ere egin daitezke Euskal Herrian egurrez egin den azken atunontzira. Horiek, interesen arabera, bi motakoak izan daitezke: arrantzale kutsuko bisita, edo bisita ekoaktiboa. Horiei eta aurreko jarduerei buruzko informazioa lortu edota erreserbak egiteko, jarri harremanetan arduradunekin 619 81 42 25 telefonora deituz edo posta elektroniko bidez.