Posta bidez bozka daiteke jada PSE-EEren Trintxerpeko egoitzan
Atzo zabaldu zituzten Euskadi etorbideko 59 zenbakian dagoen bulegoaren ateak, eta hala mantenduko dituzte maiatzaren 18ra arte.
Gudarien plazaren atzealdean, Euskadi etorbideko 59 zenbakian, dago bulegoa. 
Pasaiako PSE-EEk Trintxerpeko bulegoko —Euskadi etorbidea, 59— ateak zabaldu ditu, maiatzaren 28ko udal hauteskundeetan botoa aurrez aurre eman ezin dutenenei, posta bidezko boza tramitatzen laguntzeko.
Maiatzaren 18ra bitarte izango da zabalik sozialisten egoitza, astelehenetik ostiralera 10:00etatik 13:30era, eta 16:30etik 19:30era; eta larunbatetan 10:00etatik 14:00etara bitarte.
Bestalde, gogorarazi dute gaixo edo beste ezintasunen batekin dauden bizilagunek ere badutela boza emateko aukera, etxetik notario aurrean. Tramitazio hori bulegoaren bitartez ere kudea daitekeela ohartarazi dute, eta horri buruzko informazioa behar duenarentzat telefono zenbakia ahalbidetu dute: 943 39 38 03.
Atzerrian bizi eta maiatzaren 28an herrian izango ez direnek ere badute posta bidezko botoa emateko aukera. Horien kasuan epea laburragoa da: hilaren 29a izango da azken eguna.
