'Sagastitarrak', igandean Gezalan

Txalo Produkzioak konpainiaren antzezlana 19:30ean hasiko da, Gezalan. Joseba Apaolaza, Ainhoa Etxebarria eta Koldo Olabarri dira aktoreak.

Txalo Produkzioak konpainiaren Sagastitarrak antzezlana jasoko du etzi (igandea) Gezala Auditoriumak. 19:30ean hasiko da emanaldia. Sarrerak eskuratzeko aukera dago oraindik, Lezoko Udalaren sarreren salmenta zerbitzuaren bitartez, 8 euroan.

Ramon Madaula da lanaren sortzailea, eta Txaloko Begoña Bilbaok zuzendutakoa da. Aktoreak, hiru: Joseba Apaolaza, Ainhoa Etxebarria, eta Koldo Olabarri.

Honakoa da Txalo Produkzioak konpainiak lanaz egin duen sinopsia: “Sagastitarrenean —goi-burgesiako familian— alabarekin ez da giro. Ane, giza-ekintzaile feministak, bere lehen abizena aldatzea erabaki du eta bere amarenaren alde egin du. «Patriarkatuarekin ez dugu amaituko, mundura ekarri gaituen amaren abizena hartzen ez dugun bitartean». Anton Sagasti, familia-buruarentzat, ulertezina da eskualdean tradizio handikoa den Sagasti abizena aldatu nahi izatea. Abizenari segida emateko, Antonek amarru eta martingala guztiak erabiliko ditu Ane, alabak, abizena aldatzeko asmotan atzera egin dezan”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.