OKEko neskek hiru puntuak etxera, ongi kostata
Gizonen taldea bikain hasi den arren, markagailuari buelta eman diote arrasatearrek; azkenean berdindu dute. areto futboleko lehen taldea, erraz.
Igorren gorriz jokatu zuten oiartzuarrek, eta defentsa ongi itxi zuten. Oiartzun Kirol Elkarteko emakumeen talde nagusiak arerio gogor baten zelaia bisitatu zuen larunbatean. Arratiak ez zituen gauzak erraz jarri, eta partida oso lehiatua ikusi ahal izan zen Igorreko soropilean.
Defentsa lan bikaina egin zuten bi taldeek, eta aukeren sorburuak lehortu zituzten. Bigarren zatian Oiartzunek jokalariak zein sistema aldatu zituen, eta aukera pare bat sortu zituzten. Horietako batek sareetan bukatu zuen, eta horrela lortu zituzten hiru puntuak.
Oiartzun laugarren da sailkapenean, eta sei puntuko aldea du Añorgarekiko. Datorren asteburuan donostiarrek bisitatuko dute Karla Lekuona.
Mutilen partida, gorabeheratsua
Gizonen talde nagusiak Mondragonen bisita jaso zuen atzo eguerdian Ugaldetxon. Oiartzuarrak oso ongi ateraziren zelaira, eta 25. minuturako bi gol sartuta zituzten, Aitzurik lortutakoak.
Bigarren zatian gauzek okerrera egin zuten, urdinek gol bat sartu zutelako bere atean. Arrasatearrek beste bi gol sartu zituzten, eta markagailuan aurretik jarri ziren.
Kolpe gogorrek ez dituzte oiartzuarrak burumakur utzi, eta aukerak sortzen joan dira. Penalti bat huts egin zuten arren, berdinketaren gola lortu zuen Eñaut Fernandezek.
Areto futbola
OKEren talde nagusiak Idiazabalen kantxara bisita egin zuen. Partida orekatua hasi zen arren, oiartzuarrek hiru gol sartu zituzten atsedenaldira iritsi baino lehen.
Aldageletatik bueltan beste hiru sartu zituzten, eta 1-6 nagusitu ziren.
Miren Tabernak, berriz, Elorsoron jokatu zuen, Zarautzen kontra. Etxekoak aurreratu ziren, baina zarauztarrek segituan irauli zuten markagailua.
Bigarren zatian oiartzuarrak hobe izan ziren, baina sortutako aukerak ez zituzten gauzatu. Bisitariek hirugarren gola sartu zuten, hiru puntuak eramateko.
Emakumeen Lehen Nazional Maila
- Arratia — Oiartzun: 0-1.
Gizonezkoen Ohorezko Erregional Maila
- Oiartzun — Mondragon: 3-3.
Emakumeen Euskal Liga
- Peña Athletic Santurtzi — Oiartzun B: 2-1.
Gizonen Gorengo Maila
- Deustuko Unibertsitatea — Oiartzun B: 6-0.
Emakumeen Gorengo Maila. Igoera Fasea.
- Oiartzun C — Antiguoko B: 3-0.
Mutilen Gazte Mailako Nazional Maila
- Oiartzun — Indartsu C: 2-1.
Mutilen Gazte Mailako Gorengo Maila
- Oiartzun B — Beti Ona: 2-1.
ARETO FUTBOLA
Gizonen Gipuzkoako Lehen Maila
- Idiazabal BaiReformas — Oiartzun KE: 1-6.
Gizonen Gipuzkoako Bigarren Maila
- Miren Taberna OKE — Madamar Zarautz: 1-3.
