Eroskiren maiatzeko 'zentimo solidarioak', Juneren Hegoak elkartearentzat
Zazpi elkartek jasoko dute laguntza hori, tartean, Errenteria-Oreretako Juneren Hegoak elkarteak.
Juneren Hegoak Elkartea Pobrezia eta ahultasun egoeran dauden haurrei laguntzera bideratuko du Eroskik zentimo solidarioa maiatzean zehar. Zazpi elkartek jasoko dute laguntza hori, tartean, Errenteria-Oreretako Juneren Hegoak elkarteak.
Hala, erosketak egin eta txartelarekin edo telefonoarekin ordaintzerakoan, kontsumitzaileek zentimo batzuk eman ahal izango dizkiote Juneren Hegoak elkarteari, zehazki zentimo bat 5 euro eta 30 euro bitarteko erosketengatik, eta 2 zentimo 30 eurotik gorako erosketengatik. Ekarpena egin nahi dutenek, datafonoan bai sakatu, eta egro txartela edo mugikorra pasa behar dute ordainketa prozesuarekin jarraitzeko. Dohaintza automatikoki sortzen den txartel gehigarri batean jasoko da, eta banku kontuan egiaztatu ahal izango da.
Hamar urte dira elkartea lanean hasi zela kalteberatasun egoeran dauden, eta gaixotasunei, aniztasun funtzional egoerei, edota adingabeen doluari aurre egiten dieten Gipuzkoako familiei laguntzeko sarea sortzeko, “horien bizitza kalitatea hobetzen lagunduko duten aukerak eskaintzea da helburua”.
Hainbat modu daude Juneren Hegoak elkarteari ekarpena egiteko. Boluntario izan nahi dutenek, posta elektroniko helbide honetara idatzi dezakete; hilero euro baten trukez Teamer izateko berriz, hemen sakatu. Dohaintza egiteko aukera ere badago (horretarako klik egin hemen). Juneren Hegoak elkartearen laguntzaile izateko aukera ere eskaintzen du elkarteak.
Horretaz gain, Sabadell banketxeko ES81 0081 4254 46 0001112822 kontu korrontean egin daiteke ekarpena, baita Bizum bidez ere 03930 kodea erabilita, edota dohaintzak saioan Juneren Hegoak bilatuta.
Juneren Hegoak elkarteak, esker ona adierazi dio Eroskiri kanpainan sartzeagatik, “horren bidez jasotzen duguna elkarteko familiak laguntzera bideratuko dugu”.
