'Las buenas compañias' filmarentzat, Giza Eskubideen Zinemaldiko ikusleen saria
Filmaren aurrestreinaldia egingo dute Errenteria-Oreretan asteazkenean Errenteriako Udalak, Niessen Zienmak eta OzZinemak.
Las buenas compañias filmaren irudi bat. Donostiako Giza Eskubideen XX. Zinemaldiko ikusleek Las buenas compañías filmari eman diote jaialdiko sari nagusia. Donostiakoarekin, filmak jasotzen duen bigarren saria da. Izan ere, Malagako Festibaleko Gazte Epaimahaiak Las buenas compañias, Silvia Munt zuzendariaren filmari, zilarrezko biznagarekin saritu zuen joan den hilabetean.Malagako festibalean esterinatu zen, eta Donostiako Giza Eskubideen Zinemaldian, zein Bartzelona Sant Jordiko Nazioarteko Zinemaldian ere ikusi ahal izan dute.
Las buenas compañías filma 1970 eta 1980. hamarkadetan abortuaren alde Errenteria-Oreretako hainbat emakume feministek sortu zuten sare klandestinoaz mintzo da. Abortatu nahi zuten emakumeek duin egiteko eskubidea izan zezaten borrokatu ziren, baita Ipar Euskal Herrira lagundu ere abortatu nahi zutenak.
Ahizpatasun historia da Muntek film luzera eraman duena.
Maiatzaren 5ean helduko da pelikula areto komertzialetara, baina horren aurretik, udalerrian abortu eskubidearen alde eratutako sare feministan inspiratutako lana Errenteria-Oreretan bertan ikusteko aukera izango da, aurrestreinaldia egingo baitute bertan maiatzaren 3an, 19:00etan. Filma ikusteko aukera izango da, baina ez hori bakarrik, Silvia Munt zuzendaria, Itziar Ituño aktorea, eta Ander Sagardoy eta Ander Barinaga ekoizleek ere hartuko dute parte.
Filma ikusteko sarrerak eskura daitezke jada Niessen zinemak aretoan eta haien webgunean.
