Donibaneko saneamenduko lehen faseko obra, udalbatzarrera
Datorren asteko ostegunean bozkatuko du Pasaiako udalbatzak hitzarmenaren alde. Hamahiru puntuko plenoa izango da.
Pasaiako udaletxean egin dute hitzordua, osteguneko 18:00etan. 
Ezohiko udalbatzarra egingo dute datorren ostegunean, maiatzak 4, Donibaneko Arizabalo Jauregian. Gai zerrendak hamahiru puntu ditu, eta horien artean dago Donibane saneamenduari abiada emateko hitzarmenaren onarpena.
Laugarren puntua da aipaturikoa. Zehazki, lanen lehen fasea exekutatzeko hitzarmena da mahai gainean izango dutena Pasaiako zinegotziek. Alegia, Bonantza pasealekutik hasi eta Santiago plazara bitarteko tarteko saneamendu obra.
Martxoko udalbatzarrean onartu zuten plenoan, aho batez, udalari tramu horretarako jartzea dagokion diru zatia, —ia milioi erdi— 2024ko aurrekontuetan txertatzea. Pasaiako Udalak eta Gipuzkoako Foru Aldundiko Ingurumen eta Obra Hidraulikoetako Departamentuak aurkezturiko proiektua egikaritzeko aurreikusitako inbertsioa 4.638.000 eurokoa da. Horren %35 udalari dagokio.
Horra hor datorren asteko gai zerrenda:
-
- Aurreko bilkurako 3. akta, 2023-03- 28koa, irakurri eta onartzea.
- Xedapen ofizialak eta Alkatetzaren eta zinegotzi ordezkarien ebazpenen berri ematea (2023/494 zenbakitik 2023/756 zenbakira).
- ONDAREA, KONTRATAZIOA ETA ZERBITZU JURIDIKOAK
- Udal inbentarioaren zuzenketaren onarpena.
- ZERBITZUAK
- Gipuzkoako Foru Aldundiaren, Uraren Euskal Agentziaren, Añarbeko Uren Mankomunitatearen eta Pasaiako Udalaren arteko hitzarmena onartzea, Donibaneko saneamenduko 1. faseko obrak exekutatzeko (Bonantza pasealekua – Santiago plaza).
- OGASUNA
- Kreditu aldaketen berri ematea.
- 2023ko 1. hiruhilekoko aurrekontuaren gauzatzearen berri ematea.
- 2023ko 1. hiruhilekoaren batez besteko ordainketa-aldiaren berri ematea.
- Diru laguntzen plan estrategikoa aldatzea, aurrekontuko diru laguntza eranskina aldatzea eta kreditu aldaketa onartzea.
- PERTSONALA ETA ANTOLAKUNTZA
- Langile baten bateragarritasuna baimentzea.
- Plaza baten birsailkapena zuzentzea.
- MOZIOAK
- Langileen Batzordeak aurkeztutako mozioa, langileek jasotzen duten ordainsariari buruzkoa.
- Unicefen Haurren Lagun diren Hirien aintzatespena berritzeari buruzko mozioa
- Galde-eskeak.
