Udan kirol eskaintza zabala izango da haur eta gazteentzat
Oarsoaldeko lau udalerriek 64 jarduera antolatu dituzte, beste urte batez. Horietako 25 jarduera Oiartzunen izango dira.
Eskalada izango da Oiartzunen eskainiko duten kiroletako bat.
Uda iristeko hilabete eta erdi pasatxo falta dira, baina eragileak ari dira eskaintzak publiko egiten. Aurreko urteetako ildoari jarraituz, Oarsoaldeko lau udalerriek aurtengo udarako kirol jarduerak antolatu dituzte.
Eskualdean 64 jarduera antolatu dituzte, eta horietako 25 izango dira Oiartzunen. Jarduera gehienak haur eta gazteei bideratuak izango diren arren, helduek ere izango dute ariketa fisikoa egiteko aukera.
Mota askotako planak izango dira gozagarri: paddle surfa, piraguismoa, bike eskola, arrauna, eskalada, gimnasia akrobatikoa, esku pilota…
BPXsport, OTXE eta Oiarpek antolatuko dituzte Oiartzungo ikastaroak. Ekainaren 19tik irailaren 10era luzatuko da eskaintza.
Oarsoaldean egingo diren 64 jarduerei buruzko informazioa eskuorri honetan lor daiteke, hala nola datak, prezioa eta harremanetarako kontaktua.
