Tourrerako ikurrin erraldoia babestera deitu du Gure Eskuk
Inoizko ikurrinik handiena sortu nahi dute, crowfunding bidez, lasterketan erakusteko. Erabakitzeko eskubidearen aldeko mezua izango du idatzita.
Gure Esku erabakitzeko eskubidearen aldeko mugimenduak deialdia egin zuen Euskal Herriko Itzuliko etapa bat Errenteria-Oreretatik hasi zenean: ikurrin erraldoi bat sortzea.
Crowfunding bat egiten ari da Gure Esku, lanketa finantzatzeko. Jakinarazi dutenez, ekarpena egiten duen bakoitzaren izena agertuko da ikurrinaren zati gorri eta berdean. Zurirako, Basques decide — Euskal Herriak erabaki leloa jarriko dutela iragarri dute.
Ekarpena egiteko hiru modu daude, eta bideo honetan azaltzen dute:
- Itsulapikoaren webgunearen bitartez.
- 644 079 065 zenbakira WhatsApp mezu bat idatziz.
- Transferentzia bidez: Kontu korrontea: ES83 3035 0063 85 0630075771. Kasu horretan, ikurriñan jarri nahi den izena eta ordainketaren ziurtagiria 644079065 zenbakira edo e-posta helbidera bidali beharko dira.
Datozen egunetan Oiartzunen ekarpena nola egin behar den jakinaraziko dutela esan dute.
