[Partiden zerrendarekin] Mailari eustea du helburu Gaintxuk
Gaintxu areto futbol taldeak mailari eutsi nahi dio: jaitsiera ekiditea bere esku dago, inoren emaitzaren zain egon gabe.
![](https://oarsoaldea.hitza.eus/site/files/2023/05/gaintxu.jpg)
Emozioz beterik dator Lezoko kirol taldeen asteburua. Emozio horien fokua bi taldetan dago: batetik, Kurkubiren gizonen talde nagusiak Gipuzkoako Hirugarren Mailatik gora egiteko aukera du, maila horretako finalera iritsiz, finalerdietako partidan.
Bestetik, partida latza izango du Gaintxu areto futbol taldeak: bere kategoriako 12. postuan dira, 13. den Mondraterekin puntuetan berdinduta (23 punturekin): Mondratek jardunaldian lezoarrek baino puntu bat gehiago lortuko balute, maila galduko lukete lezoarrek. Hau da, lezoarrei aski zaie arrasatearren emaitza berbera lortzea (irabazi, berdindu edo galdu) mailari eusteko, bien arteko gol alde orokorra lezoarren aldekoa delako (+7), eta puntu berdinketa izanez gero, hori Gaintxuren aldekoa delako. Gaintxuk deus ere jokoan ez duen Euskaldunaren kantxan jokatuko du, bihar (larunbata) 20:00etan Andoianen. Mondratek, berriz, etxean jokatuko du Oiartzunen kontra; eskualdekoen laguntza izan dezake Gaintxuk mailari eusteko.
Bestelakoan, hau da Lezoko kirol talde nagusien (Gazte Mailatik gorakoen) asteburuko partiden zerrenda:
FUTBOLA
Gizonen Gorengo Maila
- Euskalduna-Allerru, bihar (larungata) 17:30ean Andoaingo Ubitarte zelaian.
Emakumeen Gorengo Maila, Kopa
- Allerru Intxaurdi-Irauli Bosteko, etzi (igandea) 16:50an Donostiako Cesaer Benito zelaian.
Gizonen Lehen Erregionala, Kopa
- Allerru-Texas, bihar (larunbata) 17:30ean Plazetan.
Allerruko taldeek askoz partida gehiago dituzte asteburuan. Hemen horien zerrenda osoa (PDF artxiboa jaitsiko da).
SASKIBALOIA
Gizonen Gipuzkoako Hirugarren Maila, Igoera Fasea
- Yesilan Kurkubi Lezoskt-Zurrut SK, etzi (igandea) 18:00etan Bekoerrotan.
Emakumeen Gipuzkoako Liga
- Ostadar-Vivanta Kurkubi Lezoskt, bihar (larunbata) 16:00etan Lasarte-Oriako Maialen Chourraut kiroldegian.
Emakumeen Gazte Maila, 5-6 postuetarako lehia
- Zast 006-Kurkubi Lezoskt, etzi (igandea) 12:00etan Zarauzko Antonianos kiroldegian.
Kurkubiren gainontzeko partiden berri izateko, sartu hemen.
ESKUBALOIA
Emakumeen Gipuzkoako Lehen Maila
- Munttarpe-Irauli Bosteko, bihar (larunbata) 18:00etan Bekoerrotan.
Gizonen Gipuzkoako Lehen Maila, Kopa
- Atseden du Munttarpek
Emakumeen Gazteen Maila, Kopa
- Atseden du Munttarpek
ARETO FUTBOLA
Gipuzkoako Lehen Maila
- Euskalduna-Gaintxu, bihar (larunbata) 20:00etan Andoaingo Allurralde kiroldegian.
Gipuzkoako Bigarren Maila
- Jaixki-Ttakun, bihar (larunbata) 20:00etan Bekoerrotan.