Musika, mahai ingurua, dokumentala, eta poesia errezitaldia Emakumeen Etxean
Lehen zita aste honetan bertan egin dute. Zazpi andra musika emanaldiarekin gozatzeko aukera izango da. Ostegunean izango da, hilak 11, 19:00etan, XV-XX mende arteko emakumeen kantu, letrak eta bertsoak biltzen dituen musika emanaldia, horien arten Joxepa antoni aranberri Xenpelarren bertsoak.
Hautagaiak mahai-inguruan Emakumeen Etxean 2019ko udal hauteskundeen harira. Emakumeen Etxea proposamen sorta zabalarekin dator. Hilabete honetan zehar, musika emanaldia, udal hauteskundeetara aurkeztu diren alderdi politiko nagusiekin mahai ingurua, dokumental emanaldia, eta poesia errezitaldia egingo dituzte bertan, baita Emakumeen etxearen urteko bigarren batzarra ere.
Lehen zita aste honetan bertan egin dute. Zazpi andra musika emanaldiarekin gozatzeko aukera izango da. Ostegunean izango da, hilak 11, 19:00etan, XV-XX mende arteko emakumeen kantu, letrak eta bertsoak biltzen dituen musika emanaldia, horien arten Joxepa antoni aranberri Xenpelarren bertsoak.
Lekukoa urteko Emakumeen Etxeko bigarren batzarrak hartuko du hilaren 16an, 18:00etan hasita.
Udal hauteskundeei ere erreparatu diete eta 2019an egin moduan, aurten udal hauteskundeetara aurkeztu diren alderdi nagusietako ordezkariekin mahai ingurua antolatu du Berdintasun Kontseiluak. Helburua, alderdi bakoitzak berdintasun politiken gainean dituzten proposamenak ezagutzea izango da. Mahai ingurua hilaren 17an, 18:00etan izango da.
Hilaren 23an, berriz, Y nada mas cuenta dokumentala ikusteko aukera eskainiko du Emakumeen Etxeak. Irrintzi Filmseko Virginia Senosiain da zuzendaria; Florecica, InsurgenZia eta Nidos desnudos–Kabi biluziak filmetako zuzendarikide izandakoa. Dokumentala, Lizarrako Esain elkartearentzako Nidos desnudos –Kabi biluziak pelikularen proiekziotik eta pertsona horiek bizi izandako indarkeriaren inguruko eztabaidatik sortu zuen.
Amaitzeko, hilaren 25ean Francisaldiaren programazioaren barruan, Hitz Esana poesia errezitaldia antolatu dute, Mejillon Tigre kolektiboaren eskutik.
Eskaintza zabalz gain, udalak gogorarazi du Emakumeen etxeak zabalik dituela ateak astelehen eta ostiraletan 09:00etatik 13:00etara, eta asteartetik ostegunera arratsaldez, 16:00etatik 20:00etara. Posta elektronikoz ere egin daiteke harremana etxearekin, baita 943 44 96 30 telefono zenbakira deituta.
