"Muga astoa eta haren ingurukoen kalamatrikak" liburua aurkeztuko dute ostegunean
1936ko Gerraren ondoren, oiartzuarrek arto-irina lortu ahal izateko Nafarroara jo behar zuten. Ipuin ilustratua egin dute horrekin.
![Muga astoa eta haren ingurukoen kalamatrikak](https://oarsoaldea.hitza.eus/site/files/2023/05/02-kaxka-jone-inaki-liburuarekin-horizontala.jpg)
Muga astoa eta haren ingurukoen kalamatrikak ipuina argitaratu 1545 argitaletxeak. Iban Apaolaza Sanchoren testuek eta Jokin Mitxelena Erizeren ilustrazioek osatzen dute.
Liburua bihar aurkeztuko dute publikoki, 18:30ean udaletxeko pleno aretoan egingo duten ekitaldian.
Aurretik, liburuari buruzko detaile batzuk eman dituzte. Oinarria 1936ko Gerraren ondorengo debeku batean dago. Gerra bukatzean, Francoren diktadurak Gipuzkoa “Probintzia traidore gisa” izendatu zuen, eta —besteak beste— errotak ixtea agindu zuten.
Sancho eta Mitxelenaren ipuinak oiartzuarrek Nafarroako errotetara egiten zituzten bidaiak islatzen ditu. Oiartzuarrak ia bost urtez aritu ziren horrela, eta bidai horiek gauez egin behar zituzten.
Arantza, Goizueta, Lesaka eta San Antongo errotetara egindako bidai horietan jasotako hainbat pasadizo bildu dituzte liburuan. Liburuaren azken atalean, gainera, bertara joateko mapak eta Wikiloc-eko erreferentziak jarri dituzte, hura berriro bizi nahi dutenentzat.
Egitasmoaren abiapuntua
Liburu bat egiteko ideia Jone Ugaldebere Sarasuak izan zuen. Etxean entzundako istorioak ikertu, ezagutu eta ipuin bihurtu nahi zituen Ugaldeberek.
Bide-lagunak izan ditu: Joxe Kruz Ezeiza Kaxka eta Iñaki Pikabea Lasa. Beraiek bildu dituzte liburuan agertzen direnen testigantzak. Wikilocerako ibilbideen argazkiak ere beraiek egin dituzte.
Muga astoa eta haren ingurukoen kalamatrikak liburua 15 euroan eros daitezke esteka horretan klik eginda. Bestela, Dixidu estudioan, Oiartzun Irratian edo Urrats paperdendan ere eros daitezke.